من وحي الصورة
"إرحمني يارب"
------------------
هات لقمة أسَكِّت بها جوعي
أو حاول تمسحلي دموعي
أنا عايش مطحون في الدنيا
م القهر انا باشرب من كوعي
الدنيا بقسوة تكتفني
والفقر يحطم في ضلوعي
والحزن معشش في كياني
والهم بيطفيلي شموعي
الظلم يكَسَّر مجدافي
وبقسوة يقَطَّعلي قلوعي
مش لاقي مروءة ولا رحمة
والخوف بيزَوِّد في وقوعي
بارفع للسما إيدى وانادي
وَادعي ف سجودي وف ركوعي
إرحمني يارب وصبرني
زَوِّد لي إيماني وخشوعي
-------------------------------------
بقلمي؛ م/ محمود الحريري
ليست هناك تعليقات:
إرسال تعليق