"جدايل شوق"
-----------------
جدايل شوق تخليني
أبص لحالي واتحسر
يسيل الدمع من عيني
وقلبى كمان بيتكسر
وراحة بالي فارقتني
و أحزاني بقت أكتر
بعيد عن أهلي وحبايبي
باعيش أيامي متكدر
******
جدايل شوق ومجدولة
فى وسط القلب
حنين جوايا بينادي
بكل الحب
وانا تايه ومتغرب
باعاني الكرب
منايا الشوق يرجعني
وانول القرب
******
جدايل شوق ومليانة
دفا وحنان
تخلي القلب متشوق
يعيش في أمان
تقول إمتى تعود لينا
ليالى زمان
وترجع تاني فرحتنا
وكفاية أحزان
-------------------------
بقلمي؛؛
م/محمود الحريري
ليست هناك تعليقات:
إرسال تعليق