⭐غاب الحبيب⭐
غاب الحبيب كام يوم..
جايب عليَّ اللوم...
إش يعمل المربوط...
ف البحر من غير عوم...
ف عنيه حُب السنين..
وعنيه قسّوة وحنين...
أهرب منهم لّفين...
خلانى أّعد النجوم...
غاب الحبيب كام يوم...
شايف جواك حاجات...
م الجاى واللي فات...
بس الإجابة سُكات...
أصل الكلام ملغوم...
غاب الحبيب كام يوم..
بحّكي لكن بخاف...
أصل الضمير.شفاف..
لو لف ولا شاف ...
خايف بعادنا يدوم ...
غاب الحبيب كام يوم...
عن بالي يوم ما غاب...
أصل الغياب ده عذاب...
ياأجمل الأحباب....
أمتى ترمي الهموم...
غاب الحبيب كام يوم...
ف الرحلة ليه تايهين...
لا وصول ولا راجعين...
يا جراح الطيبين...
ليه م الشفا محروم...
غاب الحبيب كام يوم...
انا كنت واعي وحكيم..
أتاري
الجنون ده نعيم...
ف الشمس أو ف الغيم...
كان الفراق محتوم...
غاب الحبيب كام يوم...
علاء محمود
ليست هناك تعليقات:
إرسال تعليق