الشاعر/ رضا البوشي
(عتاب المحبين)
سايباني ليه في العتمه لوحدي بهاتي
وأفردي شعرك مراكب ترسي عليها اهاتي
يا ام ضحكة تهز القمر
ومكشرة ف ابياتي
فضيت بحور الصبر من أيوب
واخداني ليه للموج
في شرع مين القساوة
ده نا جلدي في حبك ميت
صبي دلعك عليا واملي كاسك وهاتي
انا قلبي زي الطير متشعلق في شباكك
بردان يابنت اللذينا
ارمي عليا حرامك
بحلف برب الكون والكعبه ويا الحرم
ليه أجوع واتعر ى ويحرم عليا النعم
وغيري في البغددة يفطر بخلخالك
صبي عليا دلعك وريني حتى خيالك
زي شم النسيم متلونه أشواقي
فتفت ضلوعي الريح وكسرلي مجدافي
والتلج ساح على دمعتي بعتر صفايري
والفارس اللي كان جوايا فارق دفاتري
وبكل حروف الندا بندة عليك
صبي عليا دلعك وقصقصيلي ضوافري
نام النسيم بدري وداخ من التوهة
حتى سيدنا الوجع مقاسمني في الاوضة
هلت روايح عفن ووشوشها ممسوخة
والحلم جوة المرايا عصايتة مشروخة
رامياني ليه في البرد
وعاطية غيري الغطا
شجراية دبلت عيونها
أوراقها حاضنة الفضا
ليه كل ما تحني عليا بتكسري إزازك
حتى في عز مطرك ترميني برذاذك
صبي عليا دلعك واعصري عنبك
وزيدي من عسلك واملي كاسك وهاتي
ليست هناك تعليقات:
إرسال تعليق