يا عندليب
الشاعر / رضا البوشي
يا عندليب
ليه تغيب....... يا عندليب
فايت قلوبنا عطشانة
تستنى غناك
وارواحنا بالشوق مليانة
من هنا لهناك
وعيوننا دايما سهرانة
ولا يوم ننساك
حاضر وعايش جوانا
وقلوبنا معاك
ليه تغيب.......يا عندليب
سواح وماشي فى الغربة
موعود تمللي بعذابي
من غير لا أهل ولا صحبة
وغناك ده كل أحبابي
بلاش عتاب ياللي فايتني
توبة أحبك يوم تاني
لوكنت يوم تسأل عني
صدفة تزورني فى منامي
وإزاى تغيب ازاى
وانت القريب وانت الحبيب
ليه تغيب.......يا عندليب
بيلوموني عشان بأهواك
ساكن فى قلبي وعنيا
لو كنت يوم أنساك
ايه اللي يفضل فى الدنيا
يا معلمنا الحب
ياريتنا ما عرفناه
كل ما نحلف ننسى هوانا
نرجع تاني نعيش جواه
يا نبض القلب لكل حبيب
ازاى وليه عنا بتغييب
تسعين مليون وردة
شايلة الدموع
شايلة الأشواق
من كل عاشق وعاشقة
عايشة على فنك
وغناك
ليه
تغيب....... عندليب
وانت القريب وانت الحبيب
ليست هناك تعليقات:
إرسال تعليق