رساله إلي امي
في البدايه ألف سلام
يا ست الكل وحشتيني
روحي دايما بتناديلك
وزاد شوقي وزاد حنيني
وحشني شكلك وملامحك
ولحضنك لما تضميني
والبرد لما بيألمني
ف صدرك كنتي تدفيني
عايز اقولك يامه كلمه
انتي لسه راضيه عني
اصل انا فاكر يامه حنانك
حافظ طبعك عارف قلبك
لما تصلي كنت بشوفك
وانتي بتبكي وفارده كفك
لجل المولي م يرضا علينا
ودمعه لولي باينه ف خدك
وحبك يامه مداويني
مكفيني ومتفصل علي قدك
لسه فاكرك وانتي. لامه
كل العيله وعامله لمه
جامعه الخاله ويا العمه
وعم وخال ليهم شنه
أب حنون وجد عطوف
وجده معاها سوا نتهنا
عمري يامه م يوم نسيتك
مهما .الدنيا اتغير حالها
ممكن أنسي الدنيا بحالها
بكل هناها وكل ما فيها
بس ابوس قدمك وايدك
واقول دي أمي وبدوب فيها
وفي الختام وف كل عام
وكل يوم في قلبنا
عليك السلام وصحة وأمان
وجنه عند ربنا
ولكل أم مني المحبه
وعيد سعيد يا أمنا
.........................................
بقلمي/اسماعيل عبدالهادي ابوالعلا
ليست هناك تعليقات:
إرسال تعليق