" اختياري الغلط "
بقلم /عماااد الأبنودي
•••••••••••••••••
وقتك معايا انتهى
والفراق أهو قال كلمته
كنت للأسف موهوم بحبك
و مش شاايف قسوته
صعب تفضل ويا حد
معندوش ليك اهتمام
كل اللي جواه عند
و جفا و بعد عن الغرام
بلاش تيجي ع روحك
و تعمل عشاااني ضحية
خد معاك حتى جروحك
و بيع خلاص القضية
و كتر خيرك ع اللي عملته
و اللي زرعته ياما بإيديك
خدها مني بس نصيحة
سيبني و إرحل الله يخليك
أنا مش باقي عليك تاني
و تاني بأقولها و أسمعهالك
للي باعني و راح و سابني
ما يلزمنيش حتى كلامك
فرصة سعيدة كانت مابنا
دوقت الحلو معاك مرار
و زود العذاب في غرامنا
و صبح الفراق آخر قرار
تسلم إيدك اللي وجعتني
و جرحت جرح نزف دم
فوقتني و كمان صحتني
اكمني قلبي مالوش ف الهم
و ياريتك تطوي وياك صفحتي
و تكتب ع التتر النهاية
يا
للي كنت أسباب محنتي
و اختياري الغلط من البداية
بقلم
عمااااد الأبنودي
27 . 3 . 2022
ليست هناك تعليقات:
إرسال تعليق