ف وسط الدمعه المخنوقه
مش عارفه تنام
بتبعت سلامات شوق لحبيبها
جوه الأحلام
وليالي الوحده بتتعمد
تنغز ف جنابي
وأنا جسمي كله متهمد
بيشكي ل جَنَابي
على حالُه الصعب المتصاحب
علي بيت مهجور من أصحابه
يبعت ف رسايل بدون صاحب
بعد الهجر لاحبابه
وضروسي تِجِز ف نيابي
والصوت متحاش طالع منه
شويه ترانيم
وطلاسم ل حروف تتخانق
علي حرف الجيم
بتقابل بعض وتتعانق
بتقول أهو جِه؛؛؛؛؛
حتي لو جِه!!!!!!
مش راح ييجي
خلصان الجيم
،،،،إيهاب السقا،،،،
ليست هناك تعليقات:
إرسال تعليق