" سمك 🐳 - لبن 🍼- تمر هندى 🍺 "
(الْفَزَّاعَةُ)
▪︎ إوعاك تزعل يا أوميكرون
▪︎ إن نجاحك مش مضمون
▪︎ لو كان هزمك عَالِمْ عاقل
▪︎ذِرْ النووى ف إيد مجنون
▪︎ ناقص دوسه، يادى الحوسه
▪︎ سِنٍّه ونخرب فيها السوسه
▪︎ ده أحنا جاموس إن نبوس
▪︎ إيد أمريكا عشان الروس
▪︎ وف أوكرانيا جيش هكسوس
▪︎ شعب وفوقه رئيس موكوس
▪︎ هيه سياسة، ناقصه نجاسه؟!
▪︎ وكمان ساسه، فشر السوس
▪︎ هدوا عراقنا عشان النووى
▪︎ حشدوا العالم ضد إيران
▪︎ ولما تقله "ألحق روسيا"
▪︎ يقلب قطة ويبقى جبان
▪︎ طب ما تروح وتفتش كوريا
▪︎ الشمالية هناااااااك...ورييينا
▪︎ وإبعت كام أسطول وسفينة
▪︎ ويا مدافع جامدة متينة
▪︎ عند حبيبك "مستر كيم"
▪︎ اللى دماغة زى السم
▪︎ ولما بيجى عليه الدور
▪︎ هوا تتلم، من غير بم
▪︎ كل حكاية وليها أساس
▪︎ همه الساسه وإحنا الناس
▪︎ همه القرده و الخنازير
▪︎ من غير رحمه أو إحساس
▪︎ و اللى هيهرب م الفيروس
▪︎ بكره يلاقى حرب ضروس
▪︎ مش دولية ....ولا عالمية
▪︎ بكره يهيصوا وإحنا نلوص
▪︎ همه تتار ولا مغول؟!!!!
▪︎ روم وصلايبه ولا مجوس؟!!!!
▪︎ ده أنا أيوبى ومصرى و أحمس
▪︎ حرر مصر من الهكسوس
(ده إحنا الساسه...وهمه السوس)
عجبى...!!!
(خالد فاروق)
ليست هناك تعليقات:
إرسال تعليق