"أم عيالي"
-------------
زوجتي الغالية وأم عيالي
من بعدك سائت أحوالي
وبقيت عايش مع أحزاني
وروحي بتصرخ م اللي جرالي
واللي جرالي ده شئ مش عادي
ولا كان يخطر يوم على بالي
كنتي معانا ومالية حياتنا
زى البدر تمام بتلالي
ياما تعبتي معانا وشيلتي
لاجل راحتنا سهرتي ليالي
طيبة قلبك فوق الوصف
وحنانك.. كان برضه خيالي
حضنك كان بيدفي قلوبنا
كنتي لبيتنا السد العالي
بعد فراقك ياما بكينا
ومكانك في البيت بقى خالي
بس مكانك جوه قلوبنا
زي ماهوَّ ياأم عيالي
---------------------------
بقلمي؛؛
م/ محمود الحريري
ليست هناك تعليقات:
إرسال تعليق