أبويا
أبويا بجد محتاجك
شوفت المر ببعادك
ليه إستعجلت برحيلك
لو بأيدي أجيلك
أقعد معاك وأحكيلك
واخد رأيك وأشورك
إنت ال كنت فهمني
ومن علمك معلمني
وفي عيونك شيلني
وبايدك سندني
ومن قلبك بتدعيلي
أبويا بجد محتاجك
ليه إستعجلت ببعادك
كلامك لسه بوداني
أنا سايب من بعدي راجل
يحمل إسمي وصفاتي
والكل يحلف بحياته
ما هو ده كان حلمي
يطلع إبني شاطر
يحمي البيت من بعدي
ويحافظ علي خواته
و بدعائه يونسني
ويرفع به درجاتي
أبويا بجد محتاجك
ليه إستعجلت ببعادك
كنت إستني شويه
أشبع من الحنية
وأحتمي بأمانك
أبويا يا أغلي ما ليا
الدنيا فضيت حواليا
ولوحدي غريب
لا صاحب ولا قريب
يمسح دمع عنيا
الدنيا بحر غريق
محتاجة حيتان قويه
تقف قصاد الموج
ما تهزها نوة قوية
وإنت كنت مقويني
ماسح الدمع من عيني
ومن جدعنتك سقيني
بطمنك برغم الألم
ال تزرع فيا
متخفش عليا
أنا قد المسئولية
وهنفذ الوصية
وهاخد بالي من امي
وأحميها بعنيه
وهخليها تفتخر بيا
أبويا بجد محتاجك
ليه استعجلت ببعادك
هوي الإمام
ترجمة لبعض كلمات
ومشاعر اولادي
ليست هناك تعليقات:
إرسال تعليق