كله هيعدي
_________
يجعل صباحكم هنا
يجعل صباحكم خير
الطيبه وسط الدُنا
فارده الجناح للغير
مش ذل ولا مسكنه
بالإحترام يا جميل
حبيبي ساكن هنا
هبعتله ١٠٠ مرسال
ودار بابور الطحين
والغله حمصانه
كان يوم حصادها
يا واد
الأرض شرقانه
روت شقوقها النار
م الشمس عز الصيف
دَرسنا وملينا
يمكن يادوب مَطرين
والغله راح تيجي
باقي يادوب شهرين
بالإذن يا صاحبي
راح نبتدي في حصاد
راح نربط المنديل
جلبابنا كمه طويل
واللي ما يعرفنا
أكيد سمع ما قيل
هنضم بالمنجل
يابني ما تتعجل
أصل الحصاد بلدي
هنقوم أنا وولدي
ونجهز لنا جورنين
بالعقده هنحول
مرجوعنا للأول
وإن سنبله وقعت
أولادنا بيلموا
وإن كان هناك باقي
راح تأكله أغنام
حقيقه مش أوهام
والقصد يا صاحبي
الرزق ع الخلاق
الرزق ع الخلاق
بقلم/وافي إسماعيل الشلبي
ليست هناك تعليقات:
إرسال تعليق