السبت، 1 يناير 2022

🦜وانتهى عام🦜كلمات الشاعر/ رفعت محفوظ

 وانتهى عام بآلامه وأحزانه 

___

آدى عام مضى ومرّ علينا 

 وعام جديد هل علينا 

 يا هلترى الأحزان هتدوم 

 أو فرحة تيجى تنسينا??

 

***

يا هلترى هنعيش فى أوهام 

 ويطلعولنا خبرا كلام 

 ويقعدوا يرصّوا ف أحلام 

 وكلام مزوق يإذينا

 

***

 ياترى المنافق يوم ح يتوب 

 ويدعى دعوة سيدى أيوب 

 ويرجع لعادل يمحى ذنوب 

 وبكذبه ما يعود يفتينا

 

***

 يا هلترى ح نعود لله 

 ونمشى على شرعه وهداه  

ونتّقيه وحده لا سواه 

 ساعتها يسمع دعاوينا


 ***


 يارب يا خالق الأكوان 

 يارازق الطير والانسان 

 اجعل بلدنا خير وأمان 

 واقصم ظهور من يعادينا


 ***

احفظ بلدنا من الأشرار 

 من كل فسدة أو فجار 

 من كل ظالم أو جبار 

 وبقدرتك ربى احمينا 

رفعت محفوظ


ليست هناك تعليقات:

إرسال تعليق

🧚لحظة🧚كلمات الشاعرة/ صفاء الخواجة

 😢لحظة😢 سأبحث عنك مابين الشقوق وفوق الصخور وبين العدم يالحظة حنان طواها الزمان  فباتت بسقم تعاني الندم *** 😢بقلمي/ صفاء الخواجة 😢