( حلة المحشي ) م/عبالحميد سالم
لأ لأ كده يا برد أووفر أووفر
لا نافع فيك بالطو ولا بلوفر
محتاج لكنكة شاي ع الراكية
ولو هتلسعني الولعة ف الضوفر
***
مشتاق للكانون أبو حلة المحشي
ورصة فوق رصة وأمنا بتحشي
كنت اقعد جنبها أكل رز ني ف ني
وتقوللي أصبر وتذغدنى فى كرشي
****
ويا حلاوتك يا محشي لما تتندى
وف الصبح نفرقك ولا حد يتعدى
كانت أيام لله يرحمها ويرحمك يا
اما
صيفها وشتاها جبر والعمر ما هدى
***
ليست هناك تعليقات:
إرسال تعليق