يابو خصر نحيل
يابو خصر نحيل
ومالهش مثيل
ماعليا تميل
ونا أميل وياه
وشفايف وردي
تطوف على خدي
وتطلب ودي
ونا أقول الله
وشعر حرير
باشوفه يطير
وعطر كتير
بيهف معاه
وبلمس إيديك
وبنظرة إليك
وسحر عينيك
أفرح بلقاه
يابو قلب جميل
بيصحي الليل
أقول مواويل
وأغني معاه
وأفكر فيك
إزاي الاقيك
وأناجي عينيك
واسمع لغناه
إياك تفارقني
وف يوم تهجرني
لوحدي أغني
وأقول الآه
دي الآه جراحة
وبكل صراحة
في قربك راحة
من كل الآه
ليه تعاتبني
وتغلبني
دا بعدك عني
فيه معاناة
ليه بتلومني
يامجنني
وف العين والنني
ساكن جواه
وهبه البوهي
ليست هناك تعليقات:
إرسال تعليق