..*(بطل تتقل )*..
م تحن حبه واسأل
وتبطل كتر قساوه
اكمنك حلو تبخل
وتزيد كمان شقاوه
يا ساقيني المر كاسات
وف قلبي ليك غلاوه
كان ليه تداري حبك
ولا راضي بالملامه
*********
مستخسر وانت معدي
ترمي حتي السلام
بتفوت من غير م تهدي
خليتني م شوفت منام
دبلت جناين وردي
ونسيت حتي الغرام
م تخف يا خفه شويه
تعبت م الكلام
**********
هو الحب ف طبعك إيه
عايزني دايما اترجاك
وكل يوم تسوق دلالك
ومحيرني بكتر جفاك
اسمع مني اخر مره
ممكن انسي حكايتي معاك
ولا تشغلني ولا تهجرني
اصل تعبني كتر أساك
اسماعيل عبد الهادي
**********
بقلمي/اسماعيل عبدالهادي ابوالعلا
مع تحياتي وتحيات رئيس مجلس الإدارة
شاعرتنا القديرة الأستاذة / صفاء الخواجة
سهرة ثقافية ممتعة للجميع إن شاء الله
ليست هناك تعليقات:
إرسال تعليق