ناس (412)
.............
ناس فى قلوبها بتخيط
برقعه توبها تتصيت
وناس من الفرح بتعيط
وناس فى الحزن بتزيط
ناس وسط
الطريق ضلت
ناس واكله الحرام حلت
ناس من العز تتشكى
وغيرهم عايشه
على الفكه
ناس الضهر زي الوش
قلوب طاهره
ما تعرف غش
ناس نواياها هد العش
وناس تبني
بصافي الوش
ناس بالطيبة تأمينهم
ما ييجي الغدر
غير منهم
ناس عشرتها عالغالي
وناس مناخيرها
فى العالي
ناس دامت محبتها
وناس تقرش
في ملحتها
ناس على ناس بتتكلم
فى وشك
حاضنه وتسلم
فى ضهرك طعنها معلم
ناس تتعوذ لجيتها
وناس تتمنى طلتها
ناس مستورة من روحها
وناس فورجه
منين روحها
ناس نورها في شمعتها
وناس نارها حرق بيتها
ناس بتوحد الدايم
وعارفه العمر مش دايم
بتعمل خير في دنيتها
عشان بصه لآخر
تها
بقلم .. صبري رسلان
ليست هناك تعليقات:
إرسال تعليق