قومي يا بنتي
خواطر
********
قومي يا بنتي وظبطي نفسك
شوية يمكن يطولك الفرح
آه يا اما كده انت جيتي ع الجرح
مش عارفه العرسان اتعموا فى
عينيهم أعمل إيه أكتر من كده
****************
طب بس ييجوا وأنا ح طبطب عليهم
واداديهم واللي عليه القصد والنية
ياترى ح يكون مين فيهم بقالي سنين
مستنياه أنا قربت أعنس نفسي ييجي
الشاطر حسن يخطفني على حصانه
وبيه انسعد واتونس
***************
يارب يا بنتي كل أم نفسها بناتها يتستروا
وبإذن الله العرسان جايين يخبطوا على
الباب الصبر مفتاح الفرج
يا اما أنا صبرت لما الصبر فاض بيا مين
ابن المؤذية اللي دعى عليا بوقف الحال
أنا بحلم اتجوز النهارده قبل بكره وأخلف
دستة عيال وافرح أنا واختي ونكيد العزال
****************
أنا مش طالبه عريس على الفرازه ولا كتير المال
أنا نفسي بس فى واحد يكون زينة الرجال
أتباهى بيه قدام الدنيا كلها ويبقى
معايا في
كل الأحوال
سحر أحمد محمد
ليست هناك تعليقات:
إرسال تعليق