🦜يرضي مين🦜
راح يرضي مين يبقى الألم
هو النصيب هو القدر
للي تمللي..بيتظلم
ويا حبايبه .. والبشر
و ده يرضي مين قسوة حبيب
تفضل بقلب معلمة
ينسى معاه معنى الأمل
جوه ليالي مضلمة
طب يرضي مين قولوا ياناس
تحت الكباري ولاد .. بنات
الأرض هي المرتبة هي اللحاف
فين الحنان. يكونش مات؟
مين يرضى ؟ مين يبقى الجحود
فى قلوب ولادنا المنكرة
لعذاب سنين. بنربوا. آه ونعلموا
وفى دار نكون بلا مرحمة
راح يرضي مين أكل الفقير
دايما رغيف ومعاه عرق
متغمسين بدموع شقاه
وإن نام بضحكة يكون سرق
ليه يرضوا بيه. قلب الفتاة
بيموت سنين
لو يغصبوها ع الجواز
من زوج ضنين
وهيرضي مين الأم ربت وإتنست
ومن ولادها ..بتترفض وبتتهجر
تكونشي يوم فيهم.. قست ؟؟
والا السفاهة والتفاهة. بتتعذر!
من ده إللي قسم ف الحقوق
وبكل ظلم.. ومنظرة
بيسوق فى ناسه بعنطزة
والقهر هو الفنطزة
و ده يرضي مين؟؟
🦜بقلمي/ صفاء الخواجة🦜
ليست هناك تعليقات:
إرسال تعليق