البرد
البَرد زارني من غير ميعاد
دخل ف عضمي نام ماقمش
بصحي فيه زي مابصحي الولاد
قاللي أنا نِمت مابَفَتَحش
ماصدق لقى ف لحمي مسام
لقى مَسكنه ولقالُه فَرش
أنا صعبان عليا العظام
اللي إتكسرت وبتِنتِش نَتش
أخدت بِرشام يسَكِن الألام
ويُطرد البرد المُحتل الوَحش
وحَطيت مَرهم موف أكوام
يزحزح الجَبان مابيتزحش
أخدتِلُه فيتامين سي كمُضاد
عشان يفارقني مابيروحش
يوسف أبو زينة
22/1/2022
ليست هناك تعليقات:
إرسال تعليق