دمياط يابلدي
بقلم الشاعرفهمى محمود حجازى
دمياط يابلدي ياجميلة
فيكِ المراكب والمينا
فى البحر تلقوا أسود رجال
وصيادين بُلطي وحنشان
فيكِ الإيدين الشغالة
وكل يوم على هذا الحال
مفيش مكان هنا لعوالة
ورش موبيليا تحف صالونات
بلدنا بلد الرجالة
فيها الصنايعية الجدعان
من كل حته خدوا إشادة
ماهرة موبيليا وحلويات
دمياط تملي في ريادة
فيها المزارع والفلاح
والخير تمللي في زيادة
وعشان دي بلدي وفيها الخير
دايما فى عظمة وسيادة
دمياط يابلدي ياحضن كبير
الكل جايلك بالمشاوير
والخير معبي ف سياله
عايزين موبيليا ويكلوا فطير
بسبوسة بالقشطة وساده
تعظيم سلام علشان بلدي
وسط البلاد أجمل غادة
بقلمي فهمى محمود حجازى
ليست هناك تعليقات:
إرسال تعليق