قلبي قال
لي انتظرك
وروحي كمان تحت امرك
ولو تشاور عيني تفرحلك...........ياغالي
💚💚💚
قالولي جاي من سفرك
وعيني سهرت عشان خاطرك
واتمنى اشوفك واشوف قمرك.....يا غالي
💚💚💚
نادرين عليا لحضن توبك
واحطلك وردة فى جيوبك
اصلي انا وقلبي محبوبك..........يا غالي
💚💚💚
وايدك اخدها فى ايديا
ولا يهمني عذول يبص عليا
والله انت روحي وعنيا.........يا غالي
💚💚💚
مهما المسافات بينا تطول
عيني تصبر بس تنول
رضا قلبك وده المعقول...........يا غالي
💚💚💚
كلمات بقلم الشاعر / ميدو أبو هريدي
ليست هناك تعليقات:
إرسال تعليق