بمناسبة زفاف كريمتي الحبيبة
خزامى وليد الأصفر
على الشاب أحمد خوندة
14/9/2021
أهديها هذه الأبيات بعنوان
خزامى يا أحلى وردة
.............................................
إسم الله وبسم الله
من العين إنتِ محروسة
دوبتِ قلوب العشاق
وفيكِ العالم مهووسة
يانجمة وست الستات
ومثل الشمس الشموسة
ربيتك بدموع العين
وهلأ شفتك عروسة
....................
ع الصالة من لما جيتي
مثل زهرات البستان
ومثل الماسة عم بتضوي
يحميكِ الرب الرحمن
عيونك حلوة وأحلى بسمة
وع شفافك حب الرمان
سبحان لكون هالرسمة
صورة وأبدعها فنان
...................
خزامى يا أحلى وردة
ع الغصن بشهر تشرين
علم وأدب وكلك حشمة
وبالرقة مين مثلك مين
فستان الأبيض لابقلك
والطرحة وعقد الياسمين
والناس جاية تباركلك
عرسك يا ست الحلوين
.....................
رح نعملك أحلى زفة
نمشيكِ
فوق الأزهار
فوق الأزهار
ونغني أحلى الأغاني
ونرقص على نغم الأوتار
ورح منضوي أحلى شموع
والورد داير مندار
وتحلى الدبكة بالسهرية
وكل الأحبة زوار
......................................
ملك محمود الأصفر
ألف مبارك لأحلى عروسين
بالرفاء والبنين
ليست هناك تعليقات:
إرسال تعليق