قلبي من الحزن مكرمش
وأسهر ليالياولا ارمش
من كتر الحزن اللي جوايا بقيت شايخ
من كتر الهم بكون دايخ
كرهت الخلق حواليا
كرهت حياتي فى عنيا
قلبت الحق فى الباطل
مكتوب فى بطاقتي حاصل ...
لكن عاطل!
عين أبويا بتقولي كلام
لسانه مبيقولهوش
نفسه يقولي كتير لكن قلبه ميسمحلوش
برسم ضحكة على وشي
بس الوش مغشوش
حد يدلني ع الفرح فين بابه
ويعرفوه أني من أحبابه
وحشاني الفرحة
وحشاني الفرحة اللي تخلي
القلب جوه القفص طاير
البيت اسعد مكان فى الداير
ساعتها بحس ان الحياة
ندهاني
ان الوشوش قبلاني
فبجد الفرحة دي وحشاني
القلب جوه الهموم محبوس
الهم طوب مبني ومرصوص
والخلطة بينهم نكد
وحياتي عبر ودروس
بقلم حازم عبد المؤمن
ليست هناك تعليقات:
إرسال تعليق