الـنّـتّ .. وسـنيـنــه
إمبارح أم الولاد
سألتنى إيش بيّه
دا انت رجعت شباب
فيه "إنه" يا عنيّه
لازم تقول الحقيقة
فيه واحده
مين هيّه؟؟
شفت بإيدها ساطور
ركعت بإيديّه
قلتلها قلبى وقع
فى بياضه بحَريّه
قالت:
رايح تحب بياضه
وكمان سواحليّه
أصل الطفاسه فى عينك
ما أنا أحلى بلطية
والله لأكسّر عضامك
يا إبن شلبيه
وأحرق الكمبيوتر
أصل البلاوى ديه
.....
صاحب الضلوع المكسوره
إبن محفوظ
ليست هناك تعليقات:
إرسال تعليق