__________( ردَّام الدم )___________
قصيدة / خالد هلال أبو جبل
في
الشيخ /عبد السلام مصطفى عبد السلام
الشهير ب (ردام الدم ...حكمدار السلام)
________________________________
.من آل البيت راجل صالح وكمان محبوب
شغال في بلادنا وبيصالح بيرم قلوب
.ماهو أصل الزرع دا زريعة ومش أي كلام
إوعاك تطلعلي ف تقليعة وتكون معيوب
ردام الدم إللي يطبطب على قلب جريح
شيخنا ومولانا وسيدنا المنفوح بصحيح
وارث ميراثه دا نور طه اللي عليه صليت
يصلح ويداوي معاه بركة من آل البيت
شوف اللي بيخدم أحبابه بهدي الإسلام
ما كسفش الواقف على بابه وقال كله تمام
دايما أفعاله بتشهدله ودا هوا الدين
ناشر للحب ومتواضع يا أبو عبد سلام
ما تقولش مطافي مشغلها ليل ويا نهار
شياطين الجن بيشغلها وواقف زنهار
وشياطين الإنس يسلسلها بكلام موزون
يحكم بالعدل مشرفنا نسل الأطهار
يارب ما تكسف أيادينا وتبارك فيه
وانصرنا على اللي يعادينا وقادر تهديه
تحفظ لبلادنا اللي منور وف أي مكان
دا الشيخ العارف من جودك دايما تديه
ربك ينفعنا بمولانا ويبارك فيه
يفضل ويانا منورنا بدر ف أراضيه
دا وجوده معانا دا يوم عيدنا يارب ارضيه
وانصر سيدنا وأحبابه على مين يعاديه
(( تأليف// خالد هلال أبو جبل ))
________________________________
يوم الإثنين الموافق ٢٠٢١/٩/٢٠
بمناسبة
الصلح بين.. آل جادو ..وآل رضوان
_______________________
ليست هناك تعليقات:
إرسال تعليق