ق
طر........الصعيد
يا قطر مقبل وشايل الكل
فى الفرح والترح..واللمة
الجدة ... .والخال..والعمة
والجبة والشال ..والعمة
ياولدي
ياللى نسيت اصلك ولبست
توب غيرك
وقلعت عمة ابوك وجدك
وفرحت بطرطورك
دى العمة عند ابوك تاج
فوق راسة
والشال وسام على صدرة
اغلى من اى شهادة ودراسة
دة ابوك فقير يا ولدى
لا عنده ارض ولا بابور حرات
ولا دراسة
شارب المر وطافح الكوتة
وانت لا حاسس ولا سامع
ولاشايف لا بعينك ولامنظارك
ولبست المحزق والملزق
وقلعت جلابية ابوك
تستاهل انك تتهان واهلك
تتعاير بعارك
ضيعت ب ايدك جنة رجولتك
والكل اتكوى بنارك
ولبست المقطع وبقيت متنطع
سهران الليل ونايم نهارك
والسيجارة فى خاشمك شبر
بعد ما كان كلامك تبر
والناس ضحكت عليك
من كتر هزارك
قطر الصعيد زمان
ركابه كانوا رجال
لابسين قفاطين وعمم وعبيان
شوفوا لبسهم الزمن دة ايه
بناطيل مقطعة وقمصان ملونة
عيب عليك ياولدي
ضاعت رجولتك ووقارك
ابوك زمان كان بيحلق قط
وانت طولت شعرك
والسوالف والقط
وبجيت فار بعد ماكنت قط
بلاش ياولدى شغل الحريم
وامايتك تتكوى بنارك
نسيت حديت ابوك وجدودك
واتحدت زى ولد البندر
ومشيتك زى البنتة
عيب عليك خليك راجل
دى الناس بتعاير امك
وكل يوم بتتعارك
مزاحم الكل مستعجل على
اية ياولدي
ده انت نازل وفايت
دورك ودارك ودوارك
واللقمة محيت دخلت خاشمك
لازم تفوت على زورك
وهى الدنيا كده ياولدى
محيت نسيت اصلك
تستاهل اللي يجرالك
ليه يا ولدي....ليه ياولدي
دي كل الناس شربت
علم وادب ..وانت ياولدي
اللي فضيت جرارك
يقلمى
.محمد يونس
ليست هناك تعليقات:
إرسال تعليق