---- قصيدة عامِّيَّة بعنوان : --
--:---- زوجتي والشِعْر
قالت لي : - تعالى جمبي
واوكَّلك بإيدي فاكهة
وافصَّصلك كمان رمان
تعالى بس سيب
التليفون شويه
واهتم بيه
دا أنا ليه
حق عندك كمان
قلت : حاضر يا عنيا
دا انت والله ليَّا
بس الشعر عندي
ساكن الوجدان
يا حبيبي ليه كدا
خليت ده ودا
يجيب سيرتنا
في كل الاحيان
غصب عنِّي يا حُبي
دا أنا بقيت مسئول كبير
ومشترك في مجلات
وكلامي بقى ليه تأثير
يمكن انتي اللي مش عارفه قيمتي
متصدقيش اللي بيجيب ف سيرتي
وبيقولك اصلو بيحب عليكي
دا انا والله مظلوم
وبعاملك بكل ضمير
شكلك مش هتسمع كلامي
دا انا عشت معاك يا عيني
أحلى وأجمل ايامي
يا ريت تكدَّب أوهامي
وتعمل حساب انك
على درجة مدير
يا ستي والله ما أنسى
اني راجل مُعلِّم
ولو غلط غلطة
الناس عليا هتتكلم
بس انا والله مظلوم
وابقى كلي هموم
أما الناس بتظلمني
انا من كده بتألم
ولكن انا عارف
وأبدأ مش خايف
وكل وقت بدعي
واقول يا رب
من كلام الناس سلم
انا نفسي انك انتي
تعرفي انك الأولى
ومفيش حد غيرك
ولا حتى حد بعدك
هو فيه حد ف جمالك ؟؟
واللا حتى ف خفة دمك
يرحم اللي رباكي
ويبارك في حماتي
اللي هي امي
قبل ما تكون امك
دا بيقولوا عليَّا اصحابي
دا انت ابن عبد الواحد
دا انت والله محظوظ
دا انت معاك إنجي
مش مشكلة يا ستي
لو انتي والله حلوة
انا هكون حلو
ما انتي برضو مني
يخليكي ليا ولا يحرمني
يا ام بناتي وابني
يا رييييت ما حد يلومني
في اللي كتبه قلمي
طالما مزعلتش حد
ولا صَدَر غلط مني
واللي يا عم يزعل
عن صفحتي يولِّي
بقلمي
رمضان محمد محمود
ليست هناك تعليقات:
إرسال تعليق