مبتوبش م الطيابة
مبتوبش م الطيابة........وبخاف م العيبة يابا
ولسه مليش مهابة...... فى زمان ملهوش أمان
مطلوب مبادئ لا....... هتنحني.... . ........والا
مطلعش انا قلة........لو يقطعولى لسان
الفكر عاش مسجون ...... واللى بقولها نون
كدب وخداع وظنون...... جوايا كام سجان
يا دولة القوانين..........فى تصرفات خاينين
تأذى وحرام فالدين......... واثبت يا عم فلان
النم و التغميز...........وكلام كتير بيغيظ
ولا حد عنده عزيز...........والكره بقى إدمان
متربي أقول لأ..........من نظرة أو زقة
ولكل واحد دقة........نسى إن انا إنسان
الغدر متداري........مكشوف ومش داري
والصدق بيجاري
.........على الأصول زعلان
العدل فوق ياناس........... ولكل ذنب مقاس
ينجى أصيل حساس........ يوم عرضه ع الرحمن
الشاعر /أبوسريع إسماعيل
ليست هناك تعليقات:
إرسال تعليق