" سمك 🐳 - لبن 🍼- تمر هندى 🍺 "
( التار ... عار)
《 تقرأ باللهجة الصعيدية 》
...حَبَّيب؟!!......حَبَّيب؟!!...
▪︎وإحنا حَدَانا حُبّنَا ضَرْبٌ، و وَكْل زبيب
▪︎اللى نحبه نهبده كف و چسمه يسيب
▪︎وإنت تسَبِل للسهتانه يوم ما بغييب
▪︎وآدى آخرة تربتى فيك،حاچة تعيب
▪︎أوعاك فاكر إنك طِبْت وعودك فار
▪︎وعشان جلَبَكَ دَجِّ لباتعه،تنسى التار
▪︎تبجى حمار.. وبرچليك هتروح للنار
▪︎تارنا ناسه ما تعرف عِشْج،هوه هزار؟!
▪︎إعشج زى ما تعشج لكن لينا تجاليد
▪︎چايز يوم عن يوم بتزَوِّد چرح چديد
▪︎دم بيغلى... روح تتاخد... نار بتجيد
▪︎بس يا ولدى خايفة عليك،إنت ضنايا
▪︎ياخدوا الأرض فوق كردانى واللى معايا
▪︎ولا عايزه أسمع كلمة، (كِيفَ يا أماااايه؟!)
▪︎ده أنا چوايا ألف حكاية ،و كل شجايا
▪︎لو يوم تَارَك يبجى لحبك أشجى نهاية
▪︎روح لحبيبتك ياللا و مَلِّسْ على ضفايرها
▪︎لو غلطانه، إوعاك ييچى ف يوم تعايرها
▪︎ده أنت رَچلها،خيرك خِيرها و جلَبَكَ دارها
▪︎بالذرية الصالحة أدعيلك، وإنسى التار
(واللى توكاله ع اللى خلجنا .... بيته عمار)
... روح وإختار ...
عجبى...
(خالد فاروق)
ليست هناك تعليقات:
إرسال تعليق