#"إبتدا بحبك صباحي"
--------------------------------
قبل حبك كنت باصرخ
للسما يوصل صياحي
كنت تايه وسط صحرا
والرمال تسمع نواحي
كنت مسجون جوه ضلمة
مستحيل تطلق سراحي
والحياة مش فارقة عندى
لو كنت نايم والا صاحي
ويوم ماشفتك عينى لمعِت
وانتشيت ونسيت جراحي
قلبى غنَّىٰ وروحي رجعت
وزاد سروري وانشراحي
والخيال أصبح حقيقة
لما خدتك فوق جناحي
جوه قلبي طبعت صورتك
وابتدا بحُبِّك .. صباحي
----------------------------------
بقلمي : م/ محمود الحريري
من ديواني"إبتدا بحبك صباحى"
ليست هناك تعليقات:
إرسال تعليق