ياناس الحقوني ... كلمات علي إيقاع اغنية الراحله فايزة أحمد وابور الحريقة
خواطر
**********
ياناس الحقوني شوفولي طريقة
عايزني انافق ماقولش الحقيقة
طب إزاي ح اعرف أكدب وانا
منهم بريئة ....جربت معرفتش
وبقيت محتارة دايمآ وعايشة
في ضيقة
***************************
يا غلبي يا حوستي عقلي خلاص
راح يطير هاتولي حد يلحقني
ح اموت مخي بقي زي الفطيرة
يا ناس الحقوني شوفولي طريقة
خايفه على نفسي ليكون مصيري مصير
الحمير
*********************************
مبقتش اكل ولا اشرب هبطانة عايزه
حتة لحمة وشوية عصير على إيه بتعاقبوني
اكيد هو ده مصير الفقير.....طول عمري
اطلع من نقرة أقع في ضحضيرة مش ذنبي إني
جيت الدنيا وبواجه بلاويها الكتير...روحت
أقدم مظلمتي واخبط ع الباب زعقولي
وطردوني طردة الكلاب ...أرجوكم حد
يحن عليا وينقذني م الذل والعيشة الهباب
**************************************
يارب علشان ضعيفة الكل جاي عليا ووروني
كل ألوان العذاب ...مبقتش ملاحقة ع المصايب
من كتر فزعي شعري طقطق وشاب ...أكيد
لو الإنسان في يوم ح يلاقي راحته طبيعي
كان رجع عن الغلط واستغفر ربه وتاب على
الأقل كان لحق نفسه قبل ما تضيع منه أحلى
أيام الشباب ...أنا جاهله ماتلعمتش ولا فى
يوم
يوم
مسكت كتاب لو كنت دخلت مدارس يمكن كان
زماني بقيت حاجة مهمة او كاتبة من الكتاب
سحر أحمد محمد
ليست هناك تعليقات:
إرسال تعليق