من وحي الصورة
"في وسط الضلمة"
-----------------------
وصحيت م النوم
على خبط كتير ع الباب
وفتحت الباب..
ولقيت١٠٠ عين بتبحلقلي
و١٠٠ إيد إتمدتلي
طبقت على نَفَسِي
وخدوني.. جروني
على شوك الأرض وسحلوني
ومن هدومي.. عروني
وف وسط الشياطين ورموني
ولقيت حواليا سحاب وغيوم
وسمعت..سمعت نعيق البوم
وحاولت أقوم.. حاولت..
لكن ماقدرت..
ولقيتني في مكان مهجور
وعنيا عمالة بتدور
مش شايفة غير ضلمة ف ضلمة
ومفيش حتى شعاع من نور
بس الضلمة مهما تطول
لازم ييجي وراها النور
والظالم هيلاقي جزاؤه
حتى ولو عايش في قصور
والحق هيرجع لصحابه
لو هتعدي سنين وشهور
--------------------------------
بقلمي؛؛
م/ محمود الحريري
ليست هناك تعليقات:
إرسال تعليق