أغنية بعنوان
معداوي
********
معداوي وعداني
لبر الحب وداني
بورد الخد ورماني
وبره شوق وملاغية
معداوي بمقدافه
شاورلي تهت لاوصافه
بيسحر كل من شافه
ياخدني لدنيا وردية
معداوي جدع وأمير
وجنبه القلب طاير طير
فى قربه تشم أحلى عبير
ويكبر حبه فى عنيا
ولما شاورت وناديته
سحرني بلطفه حبيته
ووداني لباب بيته
على الشط وهوى ومية
معداوي وقال شاري
ولا أقدر اخبي واداري
وبكره تنوري داري
لجرحى انت مداوية
معداوي وكان واضح
وقالي للوداد طامح
ده خلى الفكر ليه سارح
بظرفه وصدقه فى النية
وعدني بأنه حيصوني
ولا فى يوم عمره حيخوني
بشرع الله حيأمرني
وعيشتك هادية مرضية
معداوي بمقدافه
شبكني بنظرة خطافة
بيرضي الله وبيخافه
وانا زيه مصلية
معداوى وعداني
بسهم الحب جه رماني
وعوض كل حرماني
وقلت حشيله فى عنيا
معداوي معداوي
شبكني وقال أنا غاوي
وناوي عل الوداد ناوي
وبعتك ربي لي هدية
معداوي
******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق