"غدار"
---------------------
وطلع كداب..
والكدب ياناس يجري ف دمُه
وكمان غدار...
والغدر بيغلب على طبعُه
خدعتني عيونه ونظراته
ومكنتش يوم بابعد عنُّه
ولا أصدق حد يحذرني
ولا يخطر على بالي أعاتبُه
دا بمكره قدر يخدع قلبي
عَيِّشني ف وهم إنى باحبُه
أنا كنت بافكر فيه دايماً
واتمنى أكون دايماً جنبُه
إزاي بس عرف يخدعني
ويلاوع ويزيد ف عمايلُه
وازاي قلبي قدر يستحمل
ويصدق ألاعيبه وكذبُه
أنا فُقْت خلاص ونسيت حُبُّه
ونسيت أصلاً.. إني عِرِّفتُه
--------------------------------
بقلمي؛ م/ محمود الحريري
ليست هناك تعليقات:
إرسال تعليق