👍لو بس تلعب يازهر👍كلمات الشاعر/ خالد عبد المعطي

 لو بس تلعب يوم يا زهر

قبل ما العمر يضيع.. 

.. 

و م الفلوس يبقالى ضهر

و الزمن يصبح مطيع.. 

.. 

و تضحك الايام يا زينب

و ابقى زى عب سميع.. 

.. 

و املى م الجنهات شكاير

و فى العماير

اشترى و كمان ابيع.. 

.. 

و البرستيج اللى رايح 

نعبى منه يا ناس صفايح.. 

.. 

و الفقر اللى فينا طايح

يبقى زى خروف وديع.. 

.. 

.. 

فوتك انت م الكلام ده

و بص شوف ده رسمه جامده.. 

وشم انما ايه فظيع.. 

.. 

خلى حلمك يا فجرى كدك

و الكلام على كد. كدك.. 

.. 

الله يرحمه الغالى جدك

عاش كتير 

بس عقله مات رضيع.. 

.. 

هو زيك و انت زيه

غاوى فى الاحلام تبيع.. 

.. 

شد فى الدخان وعفر

لما وشك صار مصفر.. 

.. 

و العقل اللى كان يزينك

و كان بلدنا كمان يسيع.. 

.. 

صار كانه عقل عيل

ده رزق يبقى بسيط قليل

و لا كوم من الاحلام يضيع.. 

..

.. #خالدعبدالمعطى