باب الحاره
خواطر
*******
خالتي أماره قاعده ع باب
الحاره بتبيع جرجير
وبنت صفيره خايفة ع حمامها
ليطير وعم محمد فاتح ورشه
بيصلح مواتير وواحده جارتنا
بتخبط ع باب البيت فتحت لها
قالت محتاجه حبه ملح وشويه زيت
وواقفه ام عبده بتندهه اللي عايزه
تربي كتاكيت كان زمان الحاره هيا
الدفي والأمان دلوقتي مباقتش أشوف
غير البلطجه والكل عايش في التوهان
إيه اللي جرالنا من بعد ما كنا بيضربوا
بينا المثل في الجدعنه انقلب الحال
وبقينا ضايعين كنا الأول في الأخلاق
مبيختلفش علينا اتنين دلوقتي كأننا
في غابة من الوحوش مش بني آدمين
إيه اللي حصل يا بشر ليه الفساد واخد
راحتة وانتشر كل حاجه بقت عكسها
واتقلبت الموازين ...وبقينا تحت رحمة البلطجية
ومعدومي الدين دعيه علي كل ظالم جبار وندل
أشوف فيه يوم معلوم وينتقم منه رب العالمين
سحر أحمد محمد
ليست هناك تعليقات:
إرسال تعليق