رسالة إلى زوجة من زوج
إزاى يغضب حبيبي
ومفيش ع الحجر غيره
هو قدري ونصيبي
دايما عايش فى خيره
بلغوا ياناس حبيبي
مَقدرش استغنى عنه
هو عشرة حياتي
ونبض عروقي منه
فكروه بذكرياتي
وكل أيام حياتي
وكل هم جاله
كنت اشيله عنه
مرت سنين كتيرة
مَزعلش مرة مني
ولو زعلته مرة
كان يبقى غصب عني
سامحني يا سيدي طيب
وأنت بقلب طيب
ليه تزعل بسرعة
وغضبك ليه قريب
أنا عارفك قلب حنين
مَيشيلش حاجة فيه
تغضب ترجع تميل
وينسى إللي جرى ليه
افتكر العشرة الحلوة
ما بينا سنين طويلة
افتكر أيام سعيدة
وليالي كانت جميلة
ماتجيش على هفوة مني
وتهد حب كبير
وافتكر برضه إني
سامحتك ياما كتير
مَتجيش على هفوة واحدة
تعمل م الحبة قبة
ده احنا سكتنا واحدة
مَحناش على بعض غربا
مديت إيدي بسلام
مدي إيدك كمان
ونعيش سوى ف سلام
بالحب والحنان
وبلاش تسيء ظنونك
فيا وف حبي ليك
قلبي عمره ما يخونك
ويفضل حد عليك
من بعد الإعتذار
مستني حاجة منك
إنك تاخد قرار
وتنسى كل همك
من قلبي ليك سلام
من روحي وعينيا
وعلشان زاد الخصام
المرة دي عليا
ومش هاهدى وانام
إلا ما تبوس إيديا
إلا ما تبوس إيديا
وهبه البوهي
ليست هناك تعليقات:
إرسال تعليق