"كان نفسي اقابلك من زمان"
----------------------------------
كان نفسي اقابلِك من زمان
قبل مايفوت الأوان
قبل ماتعدي السنين
ونعاني من غدر الزمان
قبل ماتتعب قلوبنا
وتتملا.. هَم وأحزان
كان نفسي اقابلِك من زمان
لما كنت باروح ادَوَّر ع الحنان
لما كنت استنى نظرة
تخليني أسعد إنسان
لما كنت اتمنى كلمة
ترسيني على بر أمان
كان نفسي اقابلِك من زمان
قبل مايفوت الأوان
دانا لو قابلتِك من زمان
كنت هاعطيكِي الأمان
كنت هاخدِك فوق حصاني
نروح سوا أبعد مكان
وكنت احطك جوه قلبي
واقفل عليكِي كل البيبان
بس السنين حكمت علينا
نعاني م الشوق والحرمان
-------------------------------
بقلم : م/ محمود الحريرى
ليست هناك تعليقات:
إرسال تعليق