إهداء إلى روح أبي
في ذكرى وفاته
"أغلىٰ واحد في الدنيا"
----------------------------
لما أبويا تركنا ومات
إسوَّد العالم في عنيا
بكيت بحرقة على اللي فات
مبقيتش شايف حواليا
وارجع بعقلي للذكريات
وافتكر فضله عليا
********
من يوم مافتحت عنيا
وهو ماسك ف إيديا
وبحكمة يرسم لي طريقي
وقلبه مليان حِنِيَّه
بكلامه كان بيشجعني
والأمل.. يزرعه فيا
********
علمنى وأحسن تعليمي
رباني أحسن تربيه
ولما كبرت لقيته جنبي
يحميني من أى أذِيَّه
وهو كان بالنسبالي
زى الهوا وزى الميه
وكان حبيبي وصديقي
وأغلىٰ واحد في الدنيا
واحشنى واللهِ ياوالدي
وروحك.. بتهيم حواليا
----------------------------
رحمك الله ياأبي
بقلمي؛
م/ محمود الحريرى
ليست هناك تعليقات:
إرسال تعليق