.. ..* قطة مغمضة *..
أنا كنت قطة مغمضة .. ومن طيبتي دي شوفت اللضة ...
وكنت بقول يا غربتي .. لو مشيت فى حتة فضا ....
.وإللى كان مرة اتسلى .. وفاكر قلبي صورة فى مجلة.
.دلوقتي راح لحاله .. وبطل أهو نمردة ..
أنا .. أنا كنت قطة مغمضة..
.. **..
أنا دلوقت طلعلي ضوافر .. يعني بقى كده وم الأخر ....
إللى يجر شكلي .هقضي عليه قضا..أنا خلاص فتحت .
وإللى يقرب مني .. هقرقض فيه أرقضة
..أنا كنت قطة مغمضة..
خلاص سيبت البراءة إللى أنا كنت فيها ..
وخدت ع الجراءة إللى أنا عايشة بيها .
وكله عاملي حساب .. يجري ويفتحلي الباب ..ويبقى كل مناه .
. لو نال مني الرضا ....
..**..
كان سهل يشتغلوني ويتسلوا آوام بيا .. دلوقت خلاص عرفوني ..
أنا البت إللى هيَ .. وبقوا بيخافوا مني ..أول م يشوفوا عنيا ..
والكل يحرص مني .. بعد ماعرفوا إنى ..
.... مش قطة مغمضة ..
.
..**؟..
...... تحياتى /على ابو المجد
2/9/2021
ليست هناك تعليقات:
إرسال تعليق