من غير عنوان
خواطر
+++++++
ح تفضل قافل على قلبك
وعايش مع الوحدة والأحزان
تايه بتدور عل روحك لقيت
نفسك فى الدنيا من غير عنوان
طب وبعدين وآخرتها إيه كنت
حاول تلاقي إللي ضاع منك بدل
ما تتوه وتتغرب كنت الحق اللي
اتبقى منك من زمان....بتكلم أشباح
مش موجودين وتقول كان وكان إنت
خلاص أصبحت من عالم افتراضي وبتتحرك
بشيء لا إرادي مبقاش حد عامل ليك حساب
أنت استسلمت وحياتك عبارة عن ليل
وضباب قولتلك زمن المعجزات انتهى عايش
فى أوهامك يمكن فى لحظة تتفتح لك طاقة
القدر ...طب قدمت إيه علشان تلاقيه.... قفلت
على أحلامك وعلطول بتندب حظك وهم ليل
ونهار عايش فيه...ياما رقصت على السلالم
لا اللي تحت سمعوك ولا اللي فوق شافوك عشت
فى سجنك سنين بين الجدران واتغيرت ملامحك
والكل نسى شكلك حتى السجان.... خلاص انت
طريقك أصبح تعاريج وقوقعت حياتك فى شرنقة
واتحكم عليك بالاعدام وإنت بريء
...الكل فاتك
ومبقاش ليك أهل ولا صديق
سحر أحمد محمد
ليست هناك تعليقات:
إرسال تعليق