( طلب حضور ) م/عبالحميد سالم
يا مية خسارة ع إللي ربى
وإللي كبر وإللي علم
وإللي عاش عمره يلملم
جار زمانه عليه وعلم
وم المحكمة جاله محضر
إمضيلي يا حاج بالإستلام
وف الميعاد ضروري تحضر
خير يا ابني أنا راجل ف حالي
عمر م يوم حد اشتكاني
راجع العنوان بالله عليك
لأ يا حاج ده عنوانك بالتمام
وإللى رافعين القضية ولادك
طالبين حكم بالحجر عليك
وف يوم جلسة القضية
صاحبنا مكنش م الحضور
والقاضي طبقا للمادة حكم
لولاده بالتصرف ف الأمور
رجعوا وهما في غاية السرور
لقوا قدام بيتهم صوان ونور
أبوهم مات وجنبه وصية
محدش منكم يمشى ف جنازتي
ولا يوم يزورني ع القبور
وان كان على ال
دنيا خدوها
واستنوا إعلان على يد محضر
يطالبكم بضرورة الحضور
ليست هناك تعليقات:
إرسال تعليق