قصة الحي البلدي
(نسيت المدام)
-------
حلمت
مره دخلت زنقة الستات
أدور للمدام على شربات
وأحمرات وبودرات
عشان عيد ميلادها
مع إنه فات
*
فوجئت
بعيون بلون الخضروات
وبتدبح زي الرصاصات
وخدوووود بلح أمهات
وشفايف
حمره وكلها سكريات
ما تقولش جاتوهاات
*
وقعت
من طولي
والناس يجيبولي
علاج ومسكناات
وانا سارح مع ست البنات
وعيون ست البنات
وجمال ست البنات
وفضلت على كده ساعات
*
وكإن وجودها
عملي أزمااات
نسيت المدام
وشراب المدام
وقلت سيبوني شويه أنام
محتاج هدوء
محتاج سكات
(بعد اليوم مافيش مدامات)
(بعد اليوم مافيش مدامات)
وأنا والمدام
(من النهارده إخوات)
(من النهارده إخوات)
هههههههههههههههههه
-----------
الخال عصمت البيلي
ليست هناك تعليقات:
إرسال تعليق