(عام الكَرب 2020)
-------------------------
مرِّت علينا............ سنين كتير
لكن ماشوفتش ......زيك سنة
راحت حبيبة قلبي.........( أمي)
وسابتنى أبكي ........وحيد أنا
سنة سودة عدِّت ..و راح معاها
البركة .........والنور ..... والهنا
وسابت في قلبي .....مرار كبير
ولمين راح أشكي ...همومي أنا
===================
ربي رزقنى............بردو السنادى
ببنت حلوة............شبهك يا أمي
وميلادها صعب ..مكانش عادي
ثُقبين فى قلبها.........زادوا هَمي
حضَّانة............... ويَّا جهاز نَفَس
مبقيتش شايف.......كأني معمي
أيام تُقال .............عدِّت علينا
وفُراقك انتى..........ده كل ألمي
===================
كان نفسي يامَّا ..بس تشوفيها
جات بنت............ من بعد الولد
كان نفسي بردو ......تحضنيها
ترقيها...............مالعين والحسد
كُنتيلى دايما..........انتى وأبويا
الضَهر.........والنور.........و السند
مَشِت السنة .....و دموع عنينا
نزلت كتير ..........ملهاش عدد
==================
رحمة الله عليكي يا أمي
ليست هناك تعليقات:
إرسال تعليق