👍حبك يا بلدي👍بقلم الشاعر م/ محمود الحريري

 قصيدة "حبك يابلدى"

---------------------------

حبك يابلدى يحيينى ..

تراب أرضك على جبينى

 

وضوء شمسك يدفينى ..

ونور قمرك بيهدينى ..

ومن نيلك بتروينى ..

ومن خيرك تكفينى ..

    ***

يابلدى انتى تاج راسى

 يامالكة ..كل إحساسى 

أنا مقدرش على بعدك

ولا أقدر ..أفوت ناسى

واعيش دايما فى أحضانك 

وفضلك والله مانا ناسى  .

     ***

أنا عايش على أرضك 

أنا متغطى بسماكى ..

أنام واصحى على حبك 

واعيش ياحبيبتى فى حماكى 

بروحى ودمى أفديكى ..

وأدعيلك.. ربنا معاكى . 

-----------------------------

 بقلم : م/محمود الحريرى