★* معلش يا قلبي *★
قلب حزين سهران موجوع
بيشكي من كتر الألم
بدمع جاري ع الخدود وبيعلم
بيتعجب علي حاله بيتندم
..........................
سألته مالك يامسكين ايه جرالك
ليه حزين وكترت ليه احمالك
ده كل يوم ...... همك يزيد
م تقول وتحكي ع اللي صابك
...........................
قالي زرعت تقاوي الوفا
طلعت أرضها كلها بور
واللي رويته ... حب وصفا
فاتلي جراح وجناح مكسور
...........................
عشت سنين وايام مجروح
نفسي ف شط وبر أمان
نفسي الخير يطرح جوانا
يمكن يرجع فرح زمان
...........................
واللي هجرنا ف يوم نلقاه
يمكن قلبه يحن ف يوم
وينسي هجره وكتر جفاه
أصل تعبني كتر اللوم
...........................
بقلمي/اسماعيل عبدالهادي ابوالعلا
ليست هناك تعليقات:
إرسال تعليق