👍صلوا عليه تكسبوا👍كلمات الشاعر/ مصطفى أحمد

 -أغنية: صلوا عليه تكسبوا..

-بمناسبة المولد النبوى الشريف أعاده الله عليكم بالخير والبركة

-بقلم: مصطفى أحمد

صَلُّوا عَلِيه تِكْسَبُوا

وتِرْكَبوا فى مَرْكِبُه

من الجَنَّة هَتْقَرَّبوا

صلوا عليه تكسبوا

............................. 

ده نَبِينَا هَادى ونُــورْ

والرَّحْمَة عَنْدُه بُحُورْ

يوم القِيَـامَة فَخــُورْ

بِصُحْبِتُه ومَوْكِبُه

صلوا عليه تكسبوا

.............................

سَيْدْ وَلَد عَدْنَانْ

ووَرْدة البُسْتَانْ

حَبِيبُهُ الرَّحْمَنْ

هَادِى البَشَرْ والجَانْ

صلوا عليه تكسبوا

.............................

يا بَخْتْ من يومْ زَارْ

أَهــْل الــحَرَمْ والدَّارْ

شَفَاعَة يا أبْرَارْ

يا أُمِّةِ المُخْتَارْ

صلوا عليه تكسبوا

.............................

نَفْدِيكَ بالوِجْدَانْ

والأهْل والخـِلَّانْ

سيدى عَظِيمِ الشَّانْ

وهــــَادِمِ الأَوْثــــَانْ

صلوا عليه تكسبوا

...............................

رَافِعْ رَايَاتِ الحَقْ

لِيكِ القَمَرْ يِنْشَقْ

والنَّخْل يُصْرُخْ لأْ

لَمَّا الفُرَاقْ عَذِّبُه

صلوا عليه تكسبوا

................................

يا بَخْتِ جٍذْعِ النَّخْلْ

بِرَسُولْ حِنَيِّنْ سَهــْلْ

حَسْ بسَكِينَة وَفَضْلْ

لَمّــا أَتَـــاهْ بالوَصــْلْ

كَفّيـــنُه بِيْطــَبْطـَبُوا

صلوا عليه تكســبوا

...............................

يا كَارِهِينِ النُّورْ

يا كُلّ حَدْ غَيُورْ

هذا النَّبِى المَنْصُورْ

إوْعُوا تُقُولُوا الزُّورْ

فى حَقُّه وفى مَنْصِبُه

صلوا عليه تكسبوا

...............................

صلوا عليه بالفِعْلْ

بالكِلْمَة والتَّأْيٍيدْ

بالجَدْ مشْ بالهَزْلْ

بالسُّنَّة والتَّوْحٍيدْ

وبَلاشْ عَليه تِكْدِبُوا

وتِرْسِمُوا وتِكْتِبُوا

صلوا عليه تكسبوا

............................

صلوا عليه تكسبوا

وتركبوا فى مركبه

من الجَنّة هتقرَّبوا

صلوا عليه تكسبوا

.................................

مصطفى أحمد