⚘ كلك ظلم⚘
أوعي يا قلبي كفاك أحزان
قايم .. نايم. ف. الاشجان
م.اللي نكرنا. ومرة خذلنا
واللي معاه عايشين توهان
⚘⚘⚘⚘⚘
مالك؟ سيبك م اللي ناسينا
بكره يجينا.يقول يا سماح
طالب منا..أمان.. وحنان
وقتها قوله ..سلام يا جراح
⚘⚘⚘⚘⚘
ياما زرعت عشانك..فل
ومليت قلبي لأجلك ود
ياما رويتك. اخلاص. حب
وأنت سقيتني المُر. و صد
⚘⚘⚘⚘⚘
أنا دلوقتي. خلاص معرفش
أيام هجرك.. بعد ما تُبت
عن أحلام وياك فيها شبت
ونسيت حبك ياللي بعدت
⚘⚘⚘⚘⚘
مش مستني تعود بالخبث
ولا بكلام مليان باللؤم
بعت أيامك ويا ملامك
كفاني منك. كلك ظلم
⚘⚘⚘⚘⚘⚘
ليست هناك تعليقات:
إرسال تعليق