رد علي قصيدة(اسألي قلبك) لشاعرنا المبدع مهندس محمود الحريري
..★* قولت لقلبي*★..
قولت لقلبي يلا أنساه
رد قلبي وقال آمين
بس اياك وياه تشغلني
وتسهرني مع العاشقين
اصل عذاب الحب يحير
ياما دوبنا شوق وحنين
واللي شبكنا فاتنا وسابنا
نشكي ونبكي بدمع العين
راح وهجرنا ويا جراحنا
حتي م فكر يسأل مره
فاكر لما يسوق ف دلاله
راح يحرمنا دخول الجنه
ياما سهرني ياقلبي معاه
ياما عذبنا وزاد ف وجعنا
احنا ياقلبي نداوي جراحنا
ويدوق وحده نار حرمانا
يمكن فاكر لما ح يقسي
ح اترجاه واستني يسامح
واملا كفوفي بدمع عيوني
اشكي هواه للجاي والرايح
علي طول قاسي دايما ناسي
ومعذبني بهجره الجارح
ياما لوعنا وزاد ف وجعنا
مهما يقسي عايزني اتصالح
اوعي ياقلبي تحنله تاني
سيبه يجرب نار حرماني
والا يفكر اني ح افكر
إن ارجع واخده ف أحضاني
وحياة سهري ايام وليالي
ما ح يخطر ابدا علي بالي
و ح انسي إن أنا حبيته
واحده الخسران ف بعادي
بقلمي/اسماعيل عبدالهادي ابوالعلا
مع تحياتي وتقديري والورد لشاعرنا الكبير مهندس محمود الحريري
ليست هناك تعليقات:
إرسال تعليق